រថយន្ត ៣គ្រឿងបុកបន្តកន្ទុយគ្នានៅផ្លូវជាតិលេខ៤ បណ្តាលឲ្យរបួសស្រាលម្នាក់
11-November-2017 | ដោយ ពលមនសិការ
កំពង់ស្ពឺ ៖ គ្រោះថ្នាក់ចរាចរណ៍មួយបានកើតឡើងរវាងរថយន្ដ ៣ គ្រឿង បុកបន្ដកន្ទុយគ្នាលើកំណាត់ផ្លូវជាតិលេខ៤ បណ្តាលឲ្យមនុស្សម្នាក់រងរបួសស្រាល កាលពីព្រឹកថ្ងៃទី១១ ខែវិច្ឆិកា ឆ្នាំ២០១៧ ស្ថិតលើកំណាត់ផ្លូវជាតិលេខ៤ ចន្លោះគីឡូម៉ែត្រលេខ៨០-៨១ ត្រង់ចំណុចភូមិទី១(ចំការគរ) ឃុំត្រែងត្រយឹង។
មន្ត្រីនគរបាលខេត្តកំពង់ស្ពឺបានឲ្យដឹងថាមុនពេលកើតហេតុមានមាន រថយន្ត Lexus 470 ស្លាកលេខ PP2Q-5505 បើកបរដោយឈ្មោះ ភឿន សុផានិត ភេទប្រុស អាយុ៣៦ឆ្នាំ មានទីលំនៅផ្ទះ 21AB ផ្លូវ184 សង្កាត់ជ័យជំនះ ខណ្ឌដូនពេញ បុកជាមួយរថយន្តFUSO ពណ៌បៃតង ស្លាកលេខ KPS 3A-1945 អ្នកបើកបរ មិនស្គាល់ឈ្មោះ គេចខ្លួន រថយន្ត Lexus 470 ខ្ទាតទៅប៉ះជាមួយរថយន្តមួយគ្រឿងទៀតម៉ាក STERLING ពណ៌ក្រហម ស្លាក លេខ PP 3D-8483 អ្នកបើកបរ គេចខ្លួន ក្នុងហេតុ ការណ៍គ្រោះថ្នាក់ចរាចរណ៍ខាងលើបណ្តាលឲ្យអ្នក បើកបររថយន្ត Lexus រងរបួសស្រាល ចំណែករថយន្តទាំង ៣គ្រឿង ខូចខាតដូចគ្នា។
ករណីខាងលើ ការសន្និដ្ឋានជំនានដំបូង គឺមកពីការបើកបរមិនគោរព សិទ្ធិអាទិភាពគ្នា និងគួបផ្សំកត្ដាឆ្វេសប្រហែស ៥០%។ ចំពោះវត្ថុតាងបានយកមករក្សា ទុកនៅអធិការដ្ឋាន នគរបាលស្រុកភ្នំស្រួច និងបានកសាងសំណុំរឿងបញ្ជូនមកការិយាល័យជំនាញខេត្ដចាត់ការតាមនិតិវិធី ៕
ចំនួនអ្នកទស្សនា
- ថ្ងៃនេះ621
- ម្សិលមិញ10851
- សប្តាហ៍នេះ67141
- ខែនេះ182291
- ឆ្នាំនេះ182291
- សរុប20624747